कभी खुशी कभी गम’ चित्रपटातील अभिनेत्री
‘कभी खुशी कभी गम’ या चित्रपटात छोटी पूह ही व्यक्तिरेखा साकारणारी अभिनेत्री मालविका राजने एंगेजमेंट केली आहे. तिने उद्योजक प्रणव बग्गासोबत साखरपुडा केला आहे. अभिनेत्रीने स्वत:च्या एंगजेमेंट सेरेमनीची सुंदर छायाचित्रे शेअर केली आहेत. आम्ही एक नवी सुरुवात करत आहोत. दीर्घ प्रतीक्षेनंतर आम्ही ही वेळ निवडली आहे. आम्ही आता एकत्रितपणे आयुष्य व्यतित करण्यास प्रारंभ करत आहोत, असे मालविकाने म्हटले आहे. या छायाचित्रांमध्ये मालविका सुंदर व्हाइट गाउनमध्ये दिसून येतेय.
मालविकाचा पार्टनर प्रणवने यावेळी व्हाइट सूट परिधान केला होता. प्रणवने तुर्कियेच्या कॅपाडोशियामध्ये आकाशात उडत असलेल्या हॉट एअर बलून्सदरम्यान मालविकाला प्रपोज केले होते. या छायाचित्रांवर सोशल मीडिया युजर्सनी जोडप्याला शुभेच्छा दिल्या आहेत. भाग्यश्री, सूरज पंचोली यांनीही मालविकाला शुभेच्छा दिल्या आहेत. तुम्ही दोघेही एकत्रित अत्यंत प्रेमळ दिसून येत आहोत, अशी कॉमेंट गायिका शर्ली सेतियाने केली आहे. कभी खुशी कभी गम या चित्रपटासोबत मालविका ही डॅनी डेन्जोंगपा यांच्यासोबत स्क्वाड या वेबसीरिजमध्ये दिसून आली होती. मालविका लवकरच इमरान हाशमीसोबत कॅप्टन नवाब या चित्रपटातून प्रेक्षकांच्या भेटीला येणार आहे.
