वृत्तसंस्था/ लॉसेनी
इटलीची महिला टेनिसपटू एलिजाबेथ कॉसेरेटोने रविवारी येथे झालेल्या डब्ल्यूटीए टूरवरील लॉसेनी महिलांची टेनिस स्पर्धा जिंकताना फ्रान्सच्या क्लेरा ब्युरेलचा पराभव केला. डब्ल्यूटीए टूरवरील स्पर्धेत कॉसेरेटोचे हे पहिले विजेतेपद आहे.
तब्बल दोन तास 43 मिनिटे चाललेल्या या अंतिम सामन्यात कॉसेरेटोने ब्युरेलचा 7-5, 4-6, 6-4 अशा सेट्समध्ये पराभव केला. होबार्टमध्ये झालेल्या महिलांच्या टेनिस स्पर्धेत इटलीच्या कॉसेरेटोने अलीकडेच अंतिम फेरी गाठली होती.
