जगन्नाथ मुळवी यांचा 1 रोजी सत्कार

फोंडा : कुर्टी फोंडा येथील अमेय विद्याप्रसारक मंडळातर्फे मंगळवार दि. 1 ऑगस्ट रोजी इ. दहावी व बारावीच्या परीक्षेत विशेष प्राविण्य मिळविलेल्या गुणवंत विद्यार्थ्यांचा गौरव सोहळा आयोजित करण्यात आला आहे. तसेच पत्रकार दिनानिमित्त ‘दै. तरुण भारत’चे पत्रकार जगन्नाथ मुळवी यांचा सत्कार होणार आहे. जगन्नाथ मुळवी यांचे गेली 28 वर्षे पत्रकारिता क्षेत्रात योगदान आहे. वंदे मातरम, अभिनय सम्राट ही नाटके तर आर्यब्राह्मण, सपान, मास्तरबाई गंपू चंपू या एकांकिका तर संग्रहीत लेखांचे ‘स्पर्श स्पंदन’ही पुस्तके तर श्री पूर्वाचार्य देवावर आरती प्रसिद्ध झाल्या आहेत. सकाळी 11 वा. अमेय उच्च माध्यमिक विद्यालयाच्या सभागृहात हा कार्यक्रम होईल. यावेळी दादा वैद्य हायस्कूलमधून दहावीच्या परीक्षेत तर अमेय उच्च माध्यमिक विद्यालयातून बारावीच्या परीक्षेत उत्तीर्ण झालेल्या गुणवंत विद्यार्थ्यांचा गौरव करण्यात येणार आहे. कार्यक्रमाला प्रमुख पाहुणे म्हणून पत्रकार किशोर नाईक गावकर उपस्थित असतील तसेच अमेय विद्याप्रसारक मंडळाच्या व्यवस्थापन समितीचे अध्यक्ष संदीप खांडेपारकर, सचिव भार्गव कोरडे आदी उपस्थित असतील.  कार्यक्रमाला उपस्थित राहावे, असे संस्थेचे अध्यक्ष संदीप खांडेपारकर यांनी कळविल आहे.