कुडाळ वार्ताहर
कुडाळ तालुक्यातील पिंगुळी – पाट परुळे मुख्य मार्गावर माड्याचीवाडी – रायवाडी येथील हायस्कूल नजीक रस्त्यावर शुक्रवारी पहाटे झाड पडल्याने वाहतूक काही काळ बंद होती.
गेले दोन दिवस तालुक्यात मुसळधार पाऊस कोसळत आहे. त्यामुळे ठिकठिकाणी झाडे उन्मळून पडत आहेत. यावेळी या मार्गावर वाहतूक नसल्यामुळे मोठा अनर्थ टळला. मात्र कोणतीही हानी झाली नाही. आज सकाळी स्थानिक ग्रामस्थ व वाहनधारकांच्या मदतीने रस्त्यावर पडलेले झाड मशिनच्या सहाय्याने कापून रस्ता मोकळा करण्यात आला. यावेळी दोन्ही बाजूला वाहतूक खोळंबली होती. वाहनांच्या रांगा लागल्या होत्या. बऱ्याच काळानंतर वाहतूक पूर्ववत सुरु झाली.
