रोटरी मिडटाऊनतर्फे अगसगे हायस्कूलला ताटे भेट

बेळगाव : रोटरी क्लब ऑफ मिडटाऊनच्यावतीने अगसगे येथील लिलावती व्यंकटेश करगुप्पीकर हायस्कूलमधील विद्यार्थ्यांना उद्योजक राजीव देशपांडे व रूपा यांनी त्यांच्या मुलीच्या वाढदिवसानिमित्त 250 ताट-वाटी आणि ग्लासचे वितरण केले. याप्रसंगी अध्यक्ष सतीश नाईक यांनी यापुढेही क्लबसाठी आवश्यक ती मदत करू, अशी ग्वाही दिली. शाळेतर्फे देशपांडे कुटुंबीयांचा सत्कार करण्यात आला. सदर शाळेतील विद्यार्थी मध्यान्ह आहारासाठी घरातून ताट-वाटी आणतात, हे लक्षात घेऊन देशपांडे कुटुंबीयांनी ही मदत केली. याप्रसंगी बी. आर. हिरेमठ यांनी सर्वांचे स्वागत केले. पी. आय. पायण्णावर यांनी सूत्रसंचालन केले. एम. बी. बेळगावी यांनी आभार मानले. याप्रसंगी अशोक बदामी, नीता बिडीकर, उषा व सतीश मिठारे, उदय हदगल, अन्नपूर्णा मळगली आदी उपस्थित होते.