चित्रपटाचे पोस्टर सादर
कॅटरिना कैफ आणि विजय सेतुपति यांचा ‘मेरी ख्रिसमस’ हा चित्रपट चर्चेत आहे. श्रीराम राघवन यांच्या दिग्दर्शनात तयार झालेल्या या चित्रपटासाठी चाहते अत्यंत उत्सुक आहेत. या चित्रपटाद्वारे कॅटरिना आणि विजय पहिल्यांदाच एकत्र आले आहेत. आता या चित्रपटाच्या प्रदर्शनाची तारी जाहीर करण्यात आली आहे. तसेच विजय आणि कॅटरिनाने सोशल मीडियावर याचे पोस्टर शेअर केले आहे.
हा चित्रपट आता 15 डिसेंबर रोजी प्रदर्शित होणार आहे. या चित्रपटाचे हिंदी तसेच तमिळ भाषेतील पोस्टर शेअर करण्यात आले आहे. हिंदीतील पोस्टर पाहून चित्रपटात जुनी मुंबई पाहण्यास मिळू शकते असे मानले जात आहे. पोस्टरवर ‘रात जितनी काली होगी, सुबह उतनी गहरी होगी’ अशी टॅगलाइन आहे.
या चित्रपटाच्या हिंदी आवृत्तीत संजय कपूर, विनय पाठक, प्रतिमा कन्नन आणि टीनू आनंद दिसून येणार आहेत. तर तमिळ आवृत्तीत राधिका सरथकुमार, शनमुगराजा, केविन जय बाबू आणि राजेश विलियम्स दिसून येतील. अश्विनी काळसेकर आणि राधिका आपटे यात पाहुण्या कलाकाराच्या भूमिकेत आहेत. हा चित्रपट क्राइम थ्रिलर धाटणीचा असल्याचे समजते.
