दापोली प्रतिनिधी
तालुक्यातील विसापूर विश्रांतीनगर (लीवाडी) येथे झोपलेल्या वृद्धेच्या छातीवर प्रहार करून तीचा खून करून तिच्या गळ्यातील सोन्याची बोरमाळ चोरण्याची घटना घडली. १६ जुलै २०२३ रोजी ते १७ जुलै२०२३ रोजी सकाळी ७ या वेळेत घडली.
दीपावती सीताराम घाग ८७. हि वयोवृद्ध घरामध्ये झोपी गेलेल्या असताना त्यांच्या वयोवृद्ध व आजारपणाचा फायदा घेऊन कोणीतरी अज्ञात इसम त्यांचे घरात प्रवेश करून त्यांचे छातीवर जोराचा प्रहार करून त्यांना ठार मारून त्यांचे अंगावरील गळ्यातील सोन्याची बोरमाळ जबरीने चोरून नेऊन तीला ठार मारले.
या प्रकरणाची दापोली पोलीस स्थानकात तक्रार दाखल करण्यात आली आहे. याबाबतचा अधिक तपास दापोली पोलीस करत आहेत. या प्रकाराने दापोली तालुक्यात खळबळ उडाली आहे.
