Ichalkaranji Crime News : इचलकरंजी शहरातील जवाहर नगर परिसरामध्ये अज्ञात व्यक्तीकडून 10 फोरव्हीलर गाड्यावर दगडफेक करण्यात आल्याची घटना समोर आली आहे.या घटनेत गाड्यांचे मोठ्या प्रमाणात नुकसान झाले आहे. त्याचबरोबर जवळच असणाऱ्या कल्लाप्पाण्णा आवाडे पाणी फिल्टर हाऊसची तोड फोड करण्यात आली आहे. या घटनेने परिसरात भितीचे वातावरण निर्माण झाले आहे.
ही घटना आज पहाटेच्या सुमारास घडली आहे. महापालिका शाळेसमोर लावलेल्या व माजी आमदार सुरेश हाळवणकर यांच्या घरासमोर लावलेल्या चारचाकी गाड्या फोडल्या आहेत. यामध्ये माजी आमदार हाळवणकर यांच्या मुलाच्या गाडीचा ही समावेश आहे. त्यामुळे जवाहर नगर परिसरामध्ये दहशतीचे वातावरण पसरले आहे. पोलीस प्रशासन तोडफोड करणाऱ्यांचा शोध घेत आहेत.
