गेले काही दिवस वाढलेल्या टोमेटोच्या दरावरून अभिनेता सुनिल शेट्टी यांनी पोस्ट केली होती. टोमॅटोच्या वाढत्या दरामुळे किचनवर परिणाम होत असल्याचे त्यांनी म्हटले होते. सुनिल शेट्टीच्या या विधानावर आता सोशल मीडीयावर ट्रोल केले जात असून शेतकरी नेते सदाभाऊ खोत यांनी सुनिल शेट्टी हा सडक्या डोक्याचा असल्याची प्रतिक्रिया दिली आहे.
“टोमॅटोच्या किंमती गगनाला भिडल्या असून आणि त्याचा परिणाम हा आमच्या किचनवरही होत आहे.” अशा आशयाची पोस्ट सुनिल शेट्टी यांनी आपल्या सोशलमीडीया वर टोकली होती. सुनिल शेट्टीच्या या पोस्टवर शेतकऱ्यांकडून संतप्त प्रतिक्रिया येत असून टोमॅटोला कधीतरीच एवढा चांगला भाव मिळाला. त्यामुळे शेतकऱ्याला चार पैसे ज्यादा मिळतील अशी अशा भावना व्यक्त केल्या जात आहेत.
शेतकरी नेते आणि माजी मंत्री सदाभाऊ खोत यांनीही आता यावर प्रतिक्रिया देताना सुनिल शेट्टी हा सडक्या डोक्याचा असल्याचे म्हटले आहे. ते म्हणाले, “सुनील शेट्टी हा सडक्या डोक्याचा माणूस आहे…शेतकऱ्याच्या मालाला कधीतरी चांगला दर मिळाला तर तुमच्या सारख्या जागतिक भिकाऱ्याच्या पोटात दुखतं…सुनील शेट्टी तुम्ही बाजारू कलावंत आहात….सुनील शेट्टी जर भिक मागायला आला तर त्याच्या कटोऱ्यात सडकी टोमॅटो टाका.” अशी संतप्त प्रतिक्रिया त्यांनी दिली.
