राजापूर / प्रतिनिधी
राजापूर आठवडा बाजारात गुलमोहराचे झाड उन्मळून पडल्याने एकाचा मृत्यु झाल्याची दुर्दैवी घटना आज घडली असून रामचंद्र बाबाजी शेळके (वय ४८ रा. बारसु) असे मृताचे नाव आहे.
मिळालेल्य़ा माहीतीनुसार राजापूर येथे दर गुरुवारी आठवडी बाजार भरतो. गणेश घाट शेजारी भरलेल्या बाजारमध्ये गुलमोहराचे झाड उन्मळून पडले. यावेळी बाजाराला बारसू येथून आलेले रामचंद्र बाबाजी शेळके यांच्या अंगावर पडल्याने ते जागीच ठार झाले. त्याच बरोबर मुमताज आसिफ फनसोपकर- वय 48, यास्मिन शौकत कोत्वडकर- वय 35, सायका इरफान पावसकर वय- 55 हे मासे विक्रेते जखमी झाले आहेत. जखमीवर राजापूर रुग्णालय येथे उपचार सुरू आहेत. यातील काही गंभीर जखमीना रत्नागिरी जिल्हा रुग्णालयात अधिक उपचारार्थ हलवण्याय आले आहे.
