माजी नगराध्यक्ष समीर नलावडे यांना बंधूशोक

कणकवली : वार्ताहर
कणकवली – बाजारपेठ येथील रहिवासी तथा व्यवसायिक सचिन अनंत नलावडे (५०) यांचे रविवारी सकाळी ८ वा. सुमारास उपचारादरम्यान निधन झाले. सचिन यांना आजारी असल्याने दोन दिवसांपूर्वी पडवे येथील रुग्णालयात दाखल करण्यात आले होते. सचिन मनमिळावू स्वभावासाठी परिचित होते. पूर्वीच्या येथील अलंकार भोजनालयाचे ते मालक होत. त्यांच्या पश्चात पत्नी, मुलगा, भाऊ, भावजय, तीन विवाहीत बहिणी, पुतणे, भाचे, भाची असा मोठा परिवार आहे. कणकवलीचे माजी नगराध्यक्ष समीर नलावडे यांचे ते बंधू होत.