आझाद मैदानावर काँग्रेसची निदर्शने

पणजी : “मोदी आडनाव” विऊद्धच्या मानहानीच्या खटल्यात राहुल गांधींच्या शिक्षेला गुजरात उच्च न्यायालयाने स्थगिती नाकारल्या प्रकरणी गोवा काँग्रेसच्या कार्यकर्त्यांनी येथील आझाद मैदानावर निदर्शने केली. ‘राहुल गांधी तुम आगे बडो  हम तुम्हारे साथ है’, ‘गली गली में शोर है मोदी सरकार चोर है’ अशा घोषणा देत भाजप सरकारचा निषेध केला. निदर्शने शुक्रवारी दुपारी 12.15 सुऊ झाली ती 12.45 वाजता समाप्त झाली. यावेळी काँग्रेस प्रदेशाध्यक्ष अमित पाटकर, ब्लॉक अध्यक्ष सांता क्रुझ मतदारसंघ जॉन नाझरेथ, विजय भिके, महिला अध्यक्ष बिना नाईक, कॅप्टन व्हेरिएटो फर्नांडिस ज्यॉएल आंद्रादे आणि इतर 35 समर्थक उपस्थित होते निदर्शने केली. पत्रकारांना माहिती देताना काँग्रेस नेते म्हणाले की राहुल गांधी यांना शिक्षा झाली आहे, कारण त्यांनी बेरोजगारी, दिवसेंदिवस वस्तूंच्या किमतीत होणारी वाढ इत्यादी सामान्य माणसांचे प्रश्न उपस्थित केले होते. मेसर्स अदानी कंपनी आणि माननीय यांच्यातील संबंधांवर प्रश्नचिन्ह उपस्थित केले होते. असा भाजप सरकारचा आरोप आहे. जातीय तेढ निर्माण करणे आणि देशात फूट पाडा आणि सत्ता मिळवा असे प्रकार भाजप करीत आहेत. केंद्रात तसेच राज्यातही हे धोरण अवलंबत आहे. विशेषत: मणिपूरमध्ये जातीच्या आधारावर लोकांना विभाजित करून. भाजपने लोकशाहीची हत्या केल्याचा आरोपही काँग्रेसने केला आहे.