बेळगाव : मराठा मंडळ इंजिनिअरिंग कॉलेजच्या विद्यार्थ्यांनी ‘विद्युत’ ही इलेक्ट्रिक दुचाकी तयार केली आहे. मेकॅनिकल इंजिनिअरिंग विभागाच्या अंतिम वर्षाच्या विद्यार्थ्यांनी अत्यंत कमी खर्चामध्ये दुचाकी बनविली आहे. त्यामुळे या विद्यार्थ्यांचे कौतुक होत आहे. या दुचाकीमध्ये 48 व्ही, 50 अॅम्पियर, लायऑन बॅटरी वापरण्यात आली आहे. 6 ते 8 तास बॅटरी चार्ज केल्यानंतर 40 ते 50 किलोमीटर अंतर दुचाकी चालू शकते. विद्यार्थ्यांनी आपल्या प्रकल्पांतर्गत अनेक दिवसांच्या मेहनतीनंतर दुचाकी तयार केली आहे. 30 किलो वजनाची ही दुचाकी तयार करण्यासाठी अंदाजे 29 हजार रुपये खर्च करण्यात आला आहे. विजय सिंग, संतोष हिरेमठ, नितेश कदम, प्रेम वाघमोडे या विद्यार्थ्यांनी दुचाकी तयार केली. त्यांना प्रा. आनंद मत्तीकल्ली यांचे मार्गदर्शन मिळाले. संस्थेच्या अध्यक्षा राजश्री नागराजू व प्राचार्य डॉ. डी. जी. कुलकर्णी यांनी या विद्यार्थ्यांचे कौतुक केले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
