ऑनलाईन टीम / तरुण भारत :
राष्ट्रवादीचे आ. रोहित पवार यांनी अजित पवारांच्या बंडखोरीचे खापर उपमुख्यमंत्री देवेंद फडणवीस यांच्यावर फोडले आहे. रोहित पवार यांनी यासंदर्भात एक ट्विट केले असून, ते राजकीय वर्तुळात चर्चेत आहे.
रोहित पवार यांनी ट्विटमध्ये म्हटले आहे की, ‘महाराष्ट्राची राजकीय संस्कृती चिखलात तुडवणारी… मराठी माणसाची अस्मिता असलेल्या शिवसेनेला आपापसात झुंजायला लावून विकृत आनंद घेणारी… आणि हाच प्रयोग आता राष्ट्रवादीच्या बाबतीत करणारी महाराष्ट्रातली एकमेव शक्ती आणि व्यक्ती कोण असावी…’, अशा शब्दात त्यांनी फडणवीसांवर निशाणा साधला आहे.
महाराष्ट्राची राजकीय संस्कृती चिखलात तुडवणारी…
मराठी माणसाची अस्मिता असलेल्या शिवसेनेला आपापसात झुंजायला लावून विकृत आनंद घेणारी… आणि हाच प्रयोग आता राष्ट्रवादीच्या बाबतीत करणारी महाराष्ट्रातली एकमेव शक्ती आणि व्यक्ती कोण असावी?— Rohit Pawar (@RRPSpeaks) July 4, 2023
फडणवीस यांनी घाणेरडं राजकारण करत शिवसेना फोडली, त्यानंतर आता राष्ट्रवादीतही फूट पाडली. त्यांनी महाराष्ट्रातील राजकीय संस्कृती धूळीला मिळवल्याचे पवार यांनी म्हटले आहे.
