सावंतवाडी बसस्थानकाचा रस्ताच खड्ड्यात !

सावंतवाडी प्रतिनिधी
सावंतवाडी बसस्थानका मध्ये सर्वत्र खड्डे पडले असून त्यात चिखलमय पाणी साचले आहे . त्यामुळे प्रवाशांना चिखलमय पाण्यातून बसमध्ये ये – जा करावे लागत आहे . अशा या अवस्थेला जबाबदार कोण? गेली आठ वर्ष या बस स्थानकाचे काम सुरूच आहे. पण पावसाळ्यात चिखलमय भाग आणि त्याची डागडुजी कधी होताना दिसत नाही . सावंतवाडी बस स्थानक म्हणजे चिखलमय बस स्थानक अशी अवस्था झाली आहे. या अवस्थेबाबत माजी नगराध्यक्ष बबन साळगावकर यांनी तीव्र शब्दात नाराजी व्यक्त केली आहे.