वेत्ये सरपंच गुणाजी गावडे यांच्या दुचाकीत आढळला घणस !

न्हावेली/ वार्ताहर
सावंतवाडी तालुक्यातील वेत्ये सरपंच गुणाजी गावडे यांच्या दुचाकीवर आज सकाळी घणस जातीचा साप आढळून आला. गावडे नेहमीप्रमाणे दुचाकीजवळ आले असता अचानक घणस निदर्शनास आला. सावधगिरी बाळगता त्यांनी आपला जीव वाचवला त्यानंतर त्याला वेत्ये येथील सर्पमित्र यांनी पकडून नैसर्गिक अधिवासात सोडले .याबाबत अधिक माहिती अशी की, सरपंच गुणाजी गावडे हे आज सकाळी आपल्या दुचाकी घेऊन कामानिमित्त बाहेर पडत असताना त्यांना दुचाकी पाशी घणस असल्याचे समजले. त्यांनी सदर खबर तात्काळ गावातील आपल्या सर्पमित्रांना दिली. मोठ्या शिताफीने घणस सापाला पकडून जंगलमय भागातील नैसर्गिक अधिवासात सोडले .