विद्यार्थ्यांनी बनविली बॅटरीवरील कार

बेळगाव : सध्या इलेक्ट्रिक इंजिनवर धावणाऱ्या वाहनांचा जमाना असल्याने विद्यार्थ्यांनी विद्युत बॅटरीवर चालणारी कार तयार केली आहे. गोमटेश पॉलिटेक्निकच्या ऑटोमोबाईल विभागाच्या सहाव्या सेमिस्टरच्या विद्यार्थ्यांनी ही कार तयार केली आहे. 86 दिवसांच्या अथक परिश्रमानंतर कार तयार केल्याचे विद्यार्थ्यांनी सांगितले. कॉलेजमधील प्राध्यापकांच्या सहकार्याने लिथीयम आयर्न बॅटरीवर चालणारी ही कार तयार करण्यात आली. तीन ते चार तास चार्जिंग केल्यानंतर रस्त्यावरून ही कार धावू शकते. याचे प्रात्यक्षिकही विद्यार्थ्यांनी घेतले. स्वप्नील हातरोटे, आकाश घोरपडे, मनोज नाईक, ओंकार पाटील, सुहास मडिवाळ, दीपक काटकर, प्रणव मोटार, प्रेम कांबळे, करण कामकर, चेतन इटगर, नितीन देसूरकर यांनी ही कार तयार केली आहे. या विद्यार्थ्यांचे सर्वत्र कौतुक करण्यात येत आहे.