राष्ट्रीय स्पर्धेत आरपीडीच्या अपुर्वा, वैष्णवी यांचे यश

बेळगाव : मध्यप्रदेश भोपाळ येथे 66 व्या राष्ट्रीय एसजीएफआय अॅथलेटिक्स स्पर्धेत आरपीडी महाविद्यालयाच्या विद्यार्थीनी अपुर्वा नाईक, वैष्णवी बुद्रुक यांनी घवघवीत यश संपादन केले आहे. भोपाळ येथे झालेल्या या एसजीएफआय राष्ट्रीय अॅथलेटिक्स आरपीडी महाविद्यालयाची विद्यार्थीनी अपुर्वा नाईकने 100 मीटर अडथळा शर्यतीमध्ये दुसऱ्या क्रमांकासह रौप्य पदक तर वैष्णवी बुद्रुकने 200 मीटर धावण्याच्या शर्यतीत तिसऱ्या क्रमांकात कास्य पदक मिळविले.  हे दोन्ही खेळाडू क्रिडाभारतीच्या केंद्रात सराव करीत असून त्यांना आरपीडीचे क्रिडा निर्देशक डॉ. रामकृष्ण एन, प्रा. देवेंद्र कुडची, उमेश  बेळगुंदकर व सुरज पाटील यांचे बहुमुल्य मार्गदर्शन तर संस्थेचे चेरअरमन किरण ठाकुर व आरपीडीचे प्राचार्य विजापुरे यांचे प्रोत्साहन लाभले.