साळगाव येथील बलात्कार प्रकरणी संशयितला अटक

म्हापसा ; साळगाव येथे झालेल्या अल्पवयीन मुलीवरील बलात्कार प्रकरणी साळगाव पोलिसांना संशयित आरोपीला पकडण्यास यश आले आहे. सुनिल राठोड रा. कांदोळी मूळ बिजापूर असे संशयिताचे नाव आहे. आठवड्यापूर्वी या प्रकरणी साळगाव पोलीस स्थानकात मुलीच्या आईने रितसर तक्रार दाखल केली होती. निरीक्षक मिलिंद भुईंबर यांच्या नेतृत्वाखाली खास पथक तयार करून साहाय्यक पोलीस उपनिरीक्षक सूर्याकांत कोलवाळकर, कॉन्सटेबल विशांत मयेकर, वैभव आरोंदेकर, विजय पाळणी, राहुल आंगोलकर, हे कर्नाटकला रवाना झाले होते. उपअधीक्षक विश्वास कर्पे यांचे त्यांना मार्गदर्शन लाभले. बऱ्याच परिश्रमाअंती संशयित आरोपीला कळंगूट येथे शुक्रवारी ताब्यात घेऊन अटक केली. उपनिरीक्षक निलम गावस पुढील तपास करत आहेत.