गोकुळ शिरगाव वार्ताहर
पिडितेस लाथाबुका मारहाण करीत जीवे मारण्याची धमकी. ओळखीच्या गैरफायदा घेऊन असाही महिलेला आमिष दाखवून व धमकी देऊन पाच वर्षे वारंवार बलात्कार केल्याप्रकरणी युनूस बशीर मुजावर ( सिल्वर झोन हुपरी ता. हातकलंगले) याच्याविरुद्ध गोकुळ शिरगाव पोलीस ठाण्यामध्ये गुन्हा नोंद झाला आहे.
याबाबत पोलिसांकडून मिळालेली अधिक माहिती अशी की, युनुस मुजावर याने आपल्या परिचयातील महिलेच्या आर्थिक परिस्थितीचा गैरफायदा घेऊन पाच वर्षे कंदलगाव येथील हॉटेल टर्निंग पॉईंट लॉजवर व वेगवेगळ्या ठिकाणी वारंवार बलात्कार करीत शारीरिक मानसिक अत्याचार केला . शारीरिक संबंधास विरोध केल्यानंतर लाथा बुक्क्यांनी मारहाण करीत याबाबत वाच्यता केल्यास नवऱ्याला सांगण्याची, बदनामी करण्याची व पिडितेला व तिच्या मुलीला जीवे मारण्याची धमकी दिली असल्याचे पिडितेने फिर्यादीत म्हटले आहे. अधिक तपास गोकुळ शिरगांव पोलीस ठाण्याचे सहाय्यक पोलीस निरीक्षक अविनाश माने करीत आहेत.
