वेंगुर्ले (वार्ताहर)-
राय. डॉ. रा. धों. खानोलकर हायस्कूल मठ या प्रशालेमध्ये सन २०१८-१९ पासून तात्पुरत्या स्वरूपात शिक्षिका म्हणून काम केलेल्या सौ. तेजल तुषार खानोलकर यांचे शनिवार दि. २७ मे रोजी पहाटे अल्पशा आजाराने निधन झाले. त्यांचे पश्चात पती वडील, विवाहित बहीण, भावोजी असा परिवार आहे.
सौ. तेजल खानोलकर या गणित व विज्ञान विषयांचे अध्यापन करीत असत, त्या विद्यार्थीप्रिय शिक्षिका होत्या. मनमिळावू स्वभावाच्या आणि प्रत्येक उपक्रमात सदैव तत्परतेने पुढाकार घेत असत. त्यांच्या दुःखद निधनाची बातमी समजताच शाळेतील सर्व शिक्षक-शिक्षकेतर कर्मचारी विद्यार्थी आणि पालक शोकाकुल झाले. त्यांच्या विषयी शाळेचे मुख्याध्यापक सुनिल जाधव, शाळा व्यवस्थापन समिती, शिक्षक पालक संघ आणि नूतन मराठा हितवर्धक संघ मुंबई यांनी श्रध्दांजली पाहिली त्यांच्या निधनाने मठ गावावर शोककळा पसरली आहे.कुडाळ येथील आर्थिक सल्लागार तुषार खानोलकर यांच्या त्या पत्नी, पुणे महानगरपालिकेतील सेवानिवृत्त इंजिनियर प्रकाश मठकर यांची ती मुलगी तर पुणे येथे आय.टी. क्षेत्रात कार्यरत असलेल्या सौ. सारीका रामटेके यांची ती बहिण होय.
