लोककल्पतर्फे तळावडेत मोफत आरोग्य शिबिर

बेळगाव : कॉर्पोरेट सामाजिक जबाबदारीचे उल्लेखनीय प्रदर्शन म्हणून लोककल्प फाउंडेशनने केएलई आयुर्वेदिक हॉस्पिटलच्या मदतीने तळावडे गावात आरोग्य शिबिराचे आयोजन केले होते. लोककल्प फाउंडेशन हा लोकमान्य मल्टिपर्पज को-ऑप. सोसायटीचा कॉर्पोरेट सामाजिक जबाबदारीचा उपक्रम आहे. याद्वारे जांबोटी आणि कणकुंबी भागातील घनदाट जंगलातील दुर्गम गावांतील नागरिकांना आवश्यक सेवा पुरविली जात आहे. वैद्यकीय मदतीत सातत्य राखण्यासाठी लोककल्प फाउंडेशन आणि केएलई आयुर्वेदिक हॉस्पिटलने गावात आरोग्य सेवा कार्यक्रम सुरू केला. हा कार्यक्रम नियमित वैद्यकीय तपासणी, पाठपुरावा, सल्ला आणि आयुर्वेदिक औषधांच्या तरतुदीसाठी काम करत आहे. गावातील रहिवाशांची आरबीएस (रँडम ब्लड शूगर), बीपी (रक्तदाब) तपासणी करून मोफत औषधे दिली.   डॉ. जयशीला, डॉ. अनिऊद्ध जे., डॉ. सृष्टी, डॉ. संवेद आणि श्रीधर के.  उपस्थित होते. त्यांनी ऊग्णांची तपासणी करून रोगनिदान केले. शिबिरासाठी लोककल्प फाउंडेशनचे अधिकारी, कर्मचारी सूरजसिंग राजपूत, प्रसाद आसुकर, प्रितेश पोटेकर, संतोष कदम, अनंत गावडे, सुहासिनी पेडणेकर व इतर ग्रामस्थ उपस्थित होते.