बेळगाव : हुबळी येथे अँडॅक्स इंडिया रँडोनियर्स, फ्रान्स या संस्थेशी संलग्न असलेल्या हुबळी सायकल क्लब या संघटनेने रविवार दि. 21 रोजी आयोजित करण्यात आलेल्या निमंत्रितांच्या सायकलिंग स्पर्धेत बेळगावच्या रोहन रमेश देसाई याने यश संपादन केले आहे. 600 किमी अंतर सायकलवरून 40 तासात पूर्ण करण्याचे लक्ष्य स्पर्धकांसमोर ठेवण्यात आले होते. रोहन देसाई यांनी हे 600 किमी अंतर निर्धारित वेळेपेक्षा 2 तास अगोदर म्हणजे 38 तासातच पूर्ण केले. या सायकल शर्यतीचा मार्ग हुबळी-कोप्पळ परत हुबळी, मुंडगोड, यल्लापूर, हुबळी, बेळगाव असा होता. यामध्ये बेळगावच्या रोहन रमेश देसाई व सोमेश अजवान यांनी सुयश संपादन केले आहे. रोहन देसाई हे हनुमाननगर येथील रहिवासी व पंडित नेहरू महाविद्यालयाचे सेवानिवृत्त प्राचार्य रमेश देसाई यांचे चिरंजीव आहेत. या खडतर सायकल शर्यतीतील यशाबद्दल त्यांचे सर्वत्र अभिनंदन होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
