म्हादई जनजागृतीसाठी पणजीत आज ट्री वॉक

पणजी  : म्हादई आमची माय’ महोत्सवानिमित्त दि.18 मे रोजी मांडावी नदीच्या काठी एक अनोखा  ट्री वॉक आयोजित करण्यात आले आहे, सकाळी 8 ते 9  या वेळेत हा कार्यक्रम होणार असून शहरातील नदीकाठच्या उल्लेखनीय जैवविविधतेवर प्रकाश टाकण्याचा आणि समजून घेण्याचा हा एक उत्कृष्ट प्रयत्न आहे. कार्यक्रमाची सुऊवात भगवान महावीर बाल विहाराच्या मुख्य प्रवेशद्वारापासून होणार आहे. ट्री वॉक गोवाचे सह-संस्थापक, आरती दास यांनी आयोजित केलेला हा कार्यक्रम ‘म्हादई आमची माय’ या महोत्सवावर प्रकाश टाकण्यावर भर देतो. आयोजकांच्या माहितीनुसार, राज्यातील रहिवाशांना क्षेत्रातील तज्ञांकडून राज्यातील जैवविविधतेवर माहिती व पर्यावरणीय अनुभवही मिळणार आहे या वाटचालीचा उद्देश पणजीत असलेल्या देशी आणि विदेशी प्रजातींचे आकर्षित मिश्रण असलेल्या वैचित्र्यपूर्ण झाडांची ओळख करून देणे आहे. झाडांच्या अभ्यासात स्वत:ला मग्न केल्याने, पर्यावरणातील परस्परसंबंध आणि त्यावरचे स्वत:चे अवलंबन अधिक चांगल्या प्रकारे समजून घेऊ शकतो. दुर्दैवाने, नवीन रस्त्यांच्या बांधणीसह जमिनीचे जलद कॉंक्रिटीकरण, अशा क्षेत्रांतील नाजूक सूक्ष्म हवामानास धोका निर्माण करते, परिणामी अपरिवर्तनीय नुकसान होते, असे आरती दास यांनी सांगितले ट्री वॉक दरम्यान, सहभागींना राजधानीतील उल्लेखनीय जैवविविधतेबद्दल सखोल प्रशंसा विकसित करण्याची आणि या अत्यावश्यक नैसर्गिक खजिन्यांचे संरक्षण करण्यास हातभार लावण्याची व त्यात योगदान करण्याची पण संधी मिळेल. तसेच म्हादई नदीने काठावरच्या परिसंस्थेचे पालन पोषण करण्यात महत्वाची भूमिका बजावली आहे.