हेरवाडकर शाळेत मराठी भाषा संवर्धन केंद्राचे उद्घाटन

बेळगाव : येथील एम. व्ही. हेरवाडकर शाळेत मराठी भाषा संवर्धन केंद्राचे उद्घाटन करण्यात आले. व्यासपीठावर बेळगाव जिल्हा प्राथमिक शिक्षण समितीचे अध्यक्ष किरण ठाकुर, प्रा. अनघा गोडसे, मंजिरी रानडे, हेरवाडकर शाळेचे प्राचार्य सुनील कुसाणे, विनायक जाधव आदी उपस्थित होते. यावेळी किरण ठाकुर यांनी मराठी भाषेचे महत्त्व आणि भविष्याच्या दृष्टिकोनातून त्याचा उपयोग कसा करता येईल, याबद्दल अनेक उदाहरणे देऊन मार्गदर्शन केले. पुणे येथील शैलेश टिळक यांनी भाषेच्या विकासासाठी केलेल्या कामांची माहिती दिली. याशिवाय संत रामदास स्वामी, छत्रपती शिवाजी महाराज, आप्पासाहेब धर्माधिकारी, डॉ. बाबासाहेब आंबेडकर यांच्याबद्दलही माहिती दिली. अन्य पाहुण्यांनीही मार्गदर्शन केले. स्वागत सुनील कुसाणे यांनी केले. मंजिरी रानडे यांनी आभार मानले.