कंकणवाडी आयुर्वेद-लोककल्पतर्फे कुसमळीत आरोग्य शिबिर

बेळगाव : केएलई संस्थेच्या बी. एम. कंकणवाडी आयुर्वेदिक महाविद्यालय व लोककल्प फाउंडेशनच्या सहकार्याने कुसमळी गावात आरोग्य शिबिर घेण्यात आले. गावातील 70 हून अधिक लोक शिबिरात सहभागी झाले होते. लोकमान्य मल्टीपर्पज को ऑपरेटिव्ह सोसायटी लिमिटेडचे संस्थापक आणि अध्यक्ष किरण ठाकुर यांच्या मार्गदर्शनाखाली 32 गावे दत्तक घेतली आहेत. कुसमळी गाव त्यापैकी एक आहे. लोककल्प फौंडेशनच्या माध्यमातून लोकमान्य मल्टिपर्पज को-ऑप.सोसायटी अनेक सामाजिक उपक्रम गावदत्तक योजने अंतर्गत राबवित आहे. या योजनेचा अनेक गावांना लाभ मिळत आहे. केएलई सोसायटीच्या श्री. बी एम कंकणवाडी आयुर्वेद महाविद्यालय आणि संशोधन केंद्र आणि लोककल्प फाउंडेशनद्वारे आयोजित  केएलई आयुर्वेदिक शिबिरात उपस्थितांना मोफत आयुर्वेदिक सल्ला देण्यात आला. आयुर्वेदिक डॉक्टरांच्या टीमने ऊग्णांच्या आरोग्याचे निदान केले आणि त्यांच्या गरजेनुसार आयुर्वेदिक औषधे लिहून दिली. केएलई आयुर्वेदिक शिबिर आणि लोककल्प फाउंडेशनने खानापूर तालुक्मयात आयोजित केलेल्या अनेक शिबिरांपैकी कुसमळी गावचे शिबिर होते. त्यांच्या प्रयत्नांमुळे ग्रामीण भागातील वंचित समुदायांना आरोग्य सेवा पुरविण्यास मदत झाली आहे. शिबिरासाठी  डॉ. अर्पिता शाह, डॉ. संवेद, डॉ. सुष्मिता, श्रीधर के. आणि नारायण, लोककल्पचे कर्मचारी प्रसाद आसुकर, प्रितेश पोटेकर, आणि स्वयंसेवक संतोष कदम आणि सुहासिनी पेडणेकर, अंगणवाडी शिक्षिका तन्वी केरकर, रेखा देसाई, यांच्यासह गावातील नागरिक उपस्थित होते.