शिरोळ: प्रतिनिधी
येथील नगरपरिषदेच्या उपनगराध्यक्षपदी राजश्री शाहू विकास आघाडीच्या कुमुदिनी सुशांत कांबळे यांची बिनविरोध निवड करण्यात आली. उपनगराध्यक्षा जयश्री धर्माधिकारी यांनी आपल्या पदाचा राजीनामा दिला होता. त्यामुळे रिक्त उपनगराध्यक्ष निवडीकरिता लोकनियुक्त नगराध्यक्ष अमरसिंह पाटील यांच्या अध्यक्षतेखाली नगरसेवकांची विशेष सभा पालिकेच्या दिनबंधू दिनकररावजी यादव सभागृहात संपन्न झाली. यावेळी मुख्याधिकारी तथा प्रशिक्षणार्थी आयएएस अधिकारी सुहास गाडे कार्यालयीन निरीक्षक संदीप चुडमुंगे यांच्यासह नगरसेवक उपस्थित होते.
उपनगराध्यक्ष पदासाठी अर्ज दाखल करण्याच्या मुदतीत राजश्री शाहू विकास आघाडीच्या कुमुदिनी कांबळे यांचा एकमेव अर्ज दाखल झाल्याने निवड सभेचे अध्यक्ष तथा नगराध्यक्ष अमरसिंह पाटील यांनी उपनगराध्यक्षपदी सौ कुमंदिनी कांबळे यांची बिनविरोध निवड झाल्याचे जाहीर केले सौ कांबळे यांची निवड जाहीर होताच त्यांच्या समर्थकांनी हलगीच्या कडकडाटामध्ये गुलालाची उधळण व फटाक्याची आतिषबाजी करून जल्लोष केला
