बेळगाव ; रेसकोर्स परिसरात दिसून आलेल्या बिबट्याचा शोध घेण्यासाठी संपूर्ण सरकारी यंत्रणा कामाला लागली तरी बिबट्या काही सापडला नाही. आता सोमवारी रस्त्याशेजारी बसलेल्या बिबट्याचा आणखी एक व्हिडिओ सोशल मीडियावर व्हायरल झाला असून हा व्हिडिओ नेमका कुठला? असा प्रश्न उपस्थित केला जात आहे. 57 सेकंदचा एक व्हिडिओ सोशल मीडियावर व्हायरल होत आहे. खानापूर रोडवर सोमवारी सायंकाळी बिबट्या दिसून आला, अशी माहिती पसरविण्यात येत आहे. निवांत बसलेल्या बिबट्याशेजारी अनेक वाहने जाताना व्हिडिओत दिसत आहेत. य् ाा व्हिडिओची खात्री करून घेण्यासाठी तरुण भारतने वनविभागाच्या अधिकाऱ्यांशी संपर्क साधला असता हा व्हिडिओ खानापूर रोडवरील नसून गदग जिल्ह्यातील बिंकदकट्टे जवळचा असल्याची माहिती अधिकाऱ्यांनी दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
