वार्ताहर /बाळेकुंद्री
मुनवळ्ळी ता. सौंदत्ती येथील बसस्थानकाजवळ असलेल्या नारळाच्या झाडावर वीज कोसळून झाड जळाल्याची घटना शुक्रवारी रात्रीच्या सुमारास घडली. सुदैवाने या घटनेत कोणतीही जीवितहानी झाली नाही. शुक्रवारी मुनवळ्ळीसह सौंदत्ती परिसरात सायंकाळच्या सुमारास विजांच्या कडकडाटासह जोरदार पाऊस झाला. रात्री साडेआठच्या सुमारास विजांच्या कडकडाटासह झालेल्या पावसामुळे शिवू यांच्या परसातील नारळाच्या झाडावर वीज कोसळली. यामुळे आग लागून झाड जळाले आहे.
