Hasan Mushrif News : ईडीच्या रडारवर असलेले राष्ट्रवादी काँग्रेसचे ज्येष्ठ नेते हसन मुश्रीफ यांना हायकोर्टाने दिलासा दिला आहे. त्यांना 27 एप्रिल पर्यंत अटकेपासून संरक्षण मिळाले आहे. त्यामुळे त्यामुळे 27 एप्रिल पर्यंत ईडीला त्यांना अटक करता येणार नाही.
दरम्यान मुश्रीफ यांनी अटकपूर्व जामीनीसाठी उच्च न्यायालयात धाव घेतली होती. काल मुंबई सत्र न्यायालयाने त्यांचा अटकपूर्व जामीन अर्ज फेटाळला होता.या विरोधात हसन मुश्रीफ यांनी उच्च न्यायालयात याचिका दाखल केली होती. याची दखल घेत न्यायमूर्ती अनुजा प्रभुदेसाई यांनी तातडीने 13 एप्रिलला सुनावणी निश्चित केली होती. दरम्यान आज उच्च न्यायालयाने 27 एप्रिल पर्यंत मुश्रीफ यांनी अटकेपासून संरक्षण दिले आहे.
हसन मुश्रीफ यांच्यावर नेमके आरोप काय?
सेनापती संताजी घोरपडे साखर कारखान्यातील कथित गैरव्यवहारांच्या आरोपाखाली आमदार हसन मुश्रीफ यांच्यावर अटकेची टांगती तलवार आहे. भाजपचे नेते किरिट सोमय्या यांनी आमदार हसन मुश्रीफ यांच्यावर मनी लॉंडरिंगचा आरोप ठेऊन ईडीकडे मुश्रीफांविरोधात तक्रार केली होती. ईडीच्या अधिकाऱ्यांनी हसन मुश्रीफ यांना चौकशीसाठी समन्स बजावल्यानंतरही मुश्रीफांनी चौकशीला जाणे टाळले होते. कोर्टात धाव घेऊन त्यांनी अटकेपासून संरक्षण मिळण्यासाठी अर्ज केल्यानंतर कोर्टाने त्यांना काही दिवसांसाठी दिलासाही दिला होता. पण आता कोर्टाने त्यांना धक्का देऊन त्यांच्या अटकेपासून संरक्षण काढून घेतल्याने एक मोठा धक्का दिला आहे.
