मारिहाळजवळ 45 लाख रुपये जप्त

बेळगाव ; मारिहाळ (ता. बेळगाव) येथील तपास नाक्यावर सोमवारी एका वाहनातून 45 लाख रुपये ताब्यात घेण्यात आले आहेत. रात्री उशिरापर्यंत अधिकाऱ्यांनी यासंबंधी ठोस माहिती दिली आहे. उपलब्ध माहितीनुसार एका बँकेशी संबंधित रक्कम घेऊन जाणारे वाहन अडवून तपासणी केली असता त्यामध्ये 45 लाख रुपये आढळले. मात्र यासंबंधीची कागदपत्रे संबंधितांजवळ नसल्यामुळे ही रक्कम व वाहन पोलीस स्थानकात नेण्यात आले. यासंबंधी पोलीस उपायुक्त शेखर एच. टी. यांच्याशी संपर्क साधला असता पोलीस व निवडणूक विभागाचे अधिकारी पडताळणी करत आहेत. सध्या हे प्रकरण समितीकडे सोपविण्यात आले आहे. कागदपत्रांची तपासणी करून पुढील कारवाई करण्यात येणार असल्याचे त्यांनी सांगितले.