रविवारी जिल्ह्यात कोरोनाचे 14 नवे रुग्ण

बेळगाव : बेळगाव शहर व जिल्ह्यात कोरोनाचे 14 नवे रुग्ण आढळून आले आहेत. दोन दिवसात 33 नवे रुग्ण आढळून आले असून त्यामुळे आरोग्य विभागाने तपासणी वाढविली आहे. रविवारी रात्री जिल्हा आरोग्य विभागाने जारी केलेल्या हेल्थ बुलेटिनमधील माहितीनुसार सौंदत्ती तालुक्यात 10, बेळगाव तालुक्यात 2, चिकोडी व खानापूर तालुक्यात प्रत्येकी 1 असे 14 नवे रुग्ण आढळून आले आहेत. त्यामुळे जिल्ह्यातील सक्रिय रुग्णसंख्या 36 वर पोहोचली आहे. त्यांच्यावर वेगवेगळ्या इस्पितळ आणि काही जणांवर घरी उपचार करण्यात येत आहेत.