शाहु स्टेडियम परिसरात सेवा सुरू, महिन्यात पूर्ण शहरात होणार कार्यान्वित
प्रतिनिधी/ सातारा
सातारा शहर आज जिओ ट्रू 5 जी नेटवर्कशी जोडले गेले. याचवेळी 13 राज्यातील 27 शहरांमध्ये एकाच दिवशी 5 जी लाँच करून जिओने एकप्रकारे विश्वविक्रम केला. भारतामध्ये जिओ 5 जी उपलब्ध असलेल्या शहरांची संख्या 331 वर पोहोचली आहे. दरम्यान, साताऱयात केवळ शाहू स्टेडियम परिसातील टॉवर कार्यान्वित केल्यामुळे त्याच परिसरात 5 जी सेवा सुरू असून महिन्याभरात संपूर्ण सातारा शहरात 5 जी सेवा मिळणार आहे.
साताऱयाशिवाय महाराष्ट्रामध्ये पुणे, नागपूर, नाशिक, औरंगाबाद, सोलापूर, अमरावती, नांदेड, कोल्हापूर, जळगाव, सांगली, जालना, धुळे, अकोला, चंद्रपूर, लातूर, परभणी इचलकरंजी आणि अहमदनगर, मालेगाव येथे जिओ 5 जी सेवा सुरू करण्यात आली आहे.
याप्रसंगी बोलताना जिओच्या प्रवक्त्याने सांगितले की, “साताया मध्ये जिओ ची 5उ सेवा सादर करताना आम्हाला आनंद होत असून सातारा शहरात 5उ सेवा सुरू करणारा जिओ हा पहिलाच ऑपरेटर आहे. आम्ही जिओ ट्रू 5उ तंत्रज्ञान त्याच्या विश्वसनीय वायरलेस नेटवर्कसह सातारा आणि महाराष्ट्रातील लोकांना प्रगत आरोग्य सेवेच्या क्षेत्रात फायदा होणार आहे. कृषी, शिक्षण, ई-गव्हर्नन्स, आयटी, एसएमई, ऑटोमेशन, आर्टिफिशियल इंटेलिजन्स, गेमिंग आणि इतर अनेक क्षेत्रातही अनेक फायदे मिळतील. महाराष्ट्र डिजीटल करण्यासाठी आम्हाला पाठिंबा दिल्याबद्दल आम्ही महाराष्ट्र सरकारचे आभारी आहोत.’’
आजपासून, शहरातील जिओ वापरकर्त्यांना कोणत्याही अतिरिक्त शुल्काशिवाय, 1 उंज्s+ पर्यंत स्पीडवर अमर्यादित डेटाचा अनुभव घेण्यासाठी जिओ वेलकम ऑफरसाठी आमंत्रित केले जाईल.
जिओ ट्रू 5 जी सेवा मिळवण्यासाठी ग्राहकांना त्यांचे सिम कार्ड बदलण्याची गरज नाही. त्यांना एक जिओ 5 जी नेटवर्क सुसंगत 5 जी हँडसेट, राहत्या/कामाच्या ठिकाणी 5 जी नेटवर्कची उपलब्धता तसेच प्रीपेड आणि सर्व पोस्टपेड वापरकर्त्यांसाठी 239 किंवा अधिक वैध सक्रिय योजनेवर असणे आवश्यक असेल. एकदा या निकषांची पूर्तता झाल्यानंतर, जिओ ग्राहकांना जिओ वेलकम ऑफर मिळेल.
महिन्यात पूर्ण शहरात 5 जी सेवा
सातारा शहरात सुमारे 22 टॉवर वरुन जिओची सेवा पुरवली जाते. थ्यातील शाहु स्टेडियम परिसरातील टॉवरवरुन 5 जी सेवा कार्यान्वित करण्यात आली आहे. त्यामुळे त्या परिसरातील ग्राहकांना 5 जी सेवा मिळेल. परंतु यासाठी 5 जी हँण्डसेट असणे गरजेचे आहे. ग्राहकांना सिम कार्ड बदलण्याची गरज भासणार नाही. शेवा पूर्णपणे कार्यान्वित होत नाही तोपर्यंत ग्राहकांना सकाळी 10 ते 7 या कालावधीसाठी 5 जी मोफत मिळणार आहे.
