कॅलिफोर्निया ः
हिमवादळामुळे अमेरिकेतील कॅलिफोर्नियातील 13 शहरांमध्ये आणीबाणी जाहीर करण्यात आली आहे. वादळात 9 जणांचा मृत्यू झाला असून 100 हून अधिक लोकांना वाचवण्यात यश आले आहे. कॅलिफोर्नियामध्ये बर्फवृष्टीमुळे 70 हजारांहून अधिक घरांमध्ये वीज नाही. येत्या 2 दिवसांत 18-24 इंच बर्फवृष्टी होण्याची शक्यता हवामान खात्याने वर्तवली आहे. या आठवडय़ात झालेला विक्रमी पाऊस आणि डिसेंबर-फेब्रुवारीमध्ये झालेल्या हिमवृष्टीमुळे कॅलिफोर्नियातील दुष्काळाची समस्याही कमी झाली आहे. यूएस नॅशनल ओशनिक अँड ऍटमॉस्फोरिक ऍडमिनिस्ट्रेशनने गुरुवारी हवामानविषयक नकाशा जारी केला. यानुसार, कॅलिफोर्नियाचा सुमारे 17 टक्के भाग दुष्काळी नव्हता. तसेच उर्वरित एक तृतीयांश भागही दुष्काळी घोषित केलेला नाही.
