खानापूर : खानापूर तहसीलदारपदी प्रकाश गायकवाड यांची नियुक्ती करण्यात आली आहे. शुक्रवारी त्यांनी आपल्या पदाचा पदभार स्वीकारला. यावेळी उपतहसीलदार कल्लाप्पा कोलकार, ग्रेड टू तहसीलदार व्ही. आर. मॅगेरी, व्ही. एस. हिरेमठ, सुनिल देसाई यासह इतर कर्मचारी उपस्थित होते. खानापूर तहसीलदार कार्यालयातील कर्मचाऱ्यांनी पुष्पगुच्छ देवून त्यांचे स्वागत केले. खानापूर तहसीलदारपद गेल्या काही महिन्यापासून रिक्त होते. या ठिकाणी तात्पुरता पदभार तहसीलदार गोठेकर यांच्याकडे देण्यात आला होता. नूतन तहसीलदार प्रकाश गायकवाड यांची शासनाने खानापूर तहसीलदार म्हणून नियुक्तीचे आदेश दिले आहेत. यापूर्वी त्यांनी निपाणी, हल्याळ येथे तहसीलदार म्हणून सेवा बजावली आहे. खानापूर तहसीलदारपदी नेमणूक करून घेण्यासाठी काहीजण इच्छुक होते. यासाठी त्यांनी बेंगळूर शासनदरबारी जोरदार प्रयत्न चालवले होते. यात प्रकाश गायकवाड यांनी बाजी मारली आहे. त्यांनी शुक्रवारी तहसीलदार पदाचा पदभार स्वीकारला. यावेळी कार्यालयातील कर्मचाऱ्यांनी पुष्पगुच्छ देवून त्यांचे स्वागत केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
