म. ए. समितीच्या पदाधिकाऱ्यांनी घेतली उद्धव ठाकरेंची भेट

बेळगाव : युवा नेते शुभम शेळके यांनी शिवसेना पक्षप्रमुख उद्धव ठाकरे यांची मुंबई येथे भेट घेतली. यावेळी सीमाप्रश्नाच्या खटल्याविषयी त्यांच्यासोबत चर्चा करण्यात आली. सीमाप्रश्नासाठी आपले पाठबळ मिळावे व हा प्रश्न लवकर सुटावा, अशी मागणी करण्यात आली. उद्धव ठाकरे यांनी आपण सीमावासियांसोबत आहोत, असे आश्वासन दिले. यावेळी नगरसेवक शिवाजी मंडोळकर, दुदाप्पा बागेवाडी, दिनेश कदम, राजू पावले, रावजी पाटील, परशराम घाडी, मोतेश बार्देशकर, रवि निर्मळकर, कुलदीप पाटील, शांताराम कुगजी, दत्ता यळ्ळूरकर, किरण मोदगेकर, मनोहर हुंदरे, आनंद पाटील, निखिल पाटील यासह इतर उपस्थित होते.