माशेल : माशेल येथील श्री दाडसकाळ आणि पंचायतन देवतांचा पुर्नप्रतिष्ठापना महोत्सव आज बुधवार 1 मार्च ते शुक्रवार 3 मार्च दरम्यान विविध धार्मिक कार्यक्रमांनिशी साजरा करण्यात येणार आहे. गोकर्ण पर्तगाळी जिवोत्तम पिठाधीश श्रीमद् विद्याधीश वडेर स्वामींच्या उपस्थितीत हा सोहळा पार पडणार आहे. वडेर स्वामीजींच्या आगमनानंतर आज बुधवार 1 मार्च रोजी सकाळी श्री दाडसकाळ आणि श्री प्रमुख पंचायतन देवतांचा प्रतिष्ठा उत्सव. त्यानंतर प्रसाद वितरण, महामंगलारती, दुपारी महाप्रसाद, सायं. स्वामीजींचे आर्शिवचन, रात्री लालखी व पालखी उत्सव होईल. गुरुवार 2 मार्च रोजी सकाळी पंचामृत, देवकीकृष्ण व भुमिकादेवी कलश अभिषेक, प्राकार दर्शन, मंगलाआरती, दुपारी महाप्रसाद, सायं. श्री कृष्णलिलामृत भजनाचा कार्यक्रम. त्यानंतर पालखी व सुखासन बसविणे. शुक्रवार 3 मार्च रोजी सकाळी एकादशी मुद्राधारण, दुपारी प. पू. वडेर स्वामीजींच्या प्रस्थानाने महोत्सवाची सांगता होईल. महाजन, कुळावी, भाविकांनी उपस्थित राहावे असे आवाहन देवस्थान समितीतर्फे करण्यात आले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
