Maharashtra Dashavatar Kala Shiv Samman Award conferred on Babal Gawkar
ओटवणे गावचे सुपुत्र तथा प्रसिद्ध हार्मोनियम वादक बाबल गावकर यांच्या दशावतारी कलेतील हार्मोनियम योगदानाबद्दल त्यांचा बाबल गावकर यांना महाराष्ट्र दशावतार कला शिवसन्मान पुरस्कार प्रदान करण्यात आला. पद्मश्री परशुराम गंगावणे यांच्याहस्ते बाबल गावकर यांना हा पुरस्कार प्रदान करण्यात आला.वात्सल्य सामाजिक संस्था व लोकसेवा फाऊंडेशन यांच्या संयुक्त विद्यमाने कुडाळ येथील मराठा समाज सभागृहात आयोजित करण्यात आलेल्या छत्रपती शिवराय संमेलनात मान्यवरांच्या उपस्थितीत या पुरस्काराचे वितरण करण्यात आले.
बाबल गावकर पार्सेकर दशावतार नाट्य मंडळ कार्यरत असून दशावतारातील एक उत्कृष्ट हार्मोनियम वादक तथा हार्मोनियम वादनातील पांढरी चार बादशहा म्हणून परिचित आहे. गायन आणि हार्मोनियम वादन क्षेत्रात गेल्या चार दशकाहून अधिक वर्ष ते कार्यरत आहेत. हा पुरस्कार प्राप्त झाल्याबद्दल त्यांचे विविध क्षेत्रातून अभिनंदन होत आहे.
ओटवणे प्रतिनिधी
