म्हापशात आज कार्निव्हल मिरवणूक

म्हापसा : म्हापसा येथील कार्निव्हल मिरवणूक आज दि. 21 रोजी होणार आहे अशी माहिती म्हापसा कार्निव्हल समितीचे चेअरमन नगरसेवक चंद्रशेखर बेनकर यांनी दिली. म्हापसा पालिकेत आयोजित पत्रकार परिषदेत बेनकर बोलत होते. यावेळी व्यासपीठावर संयुक्त सरचिटणीस मायकल कारास्को, योगेश खेडेकर, अमेय कोरगावकर, नगरसेवक साईनाथ राऊळ उपस्थित होते. मिलाग्रीस चर्चपासून वार्षिक पद्धतीप्रमाणे कार्निव्हल मिरवणुकीला सुऊवात होईल. उपसभापती जोशुआ डिसोझा हे मिरवणुकीला हिरवा झेंडा दाखवतील. मिरवणुकीची सांगता बोडगेश्वर मैदानावरील कार्यक्रमस्थळी होईल असे बेनकर म्हणाले. आज दि. 21 रोजी डीजे म्युझिक, बॅण्ड वादन व इतर मनोरंजनात्मक कार्यक्रम, तर शेवटच्या दिवशी गायिका सोनिया सिरसाट हिचे गायन होईल. हे सर्व कार्यक्रम बोडगेश्वर मंदिरानजीक खुल्या जागेत उभारलेल्या स्टेजवर होतील अशी बेनकर यांनी सांगितले. या व्यतिरिक्त स्टेजस्थळी आकाश पाळणा, खाद्यपदार्थ स्टॉल्स व लहान मुलांसाठी खास मनोरंजनात्मक खेळ असतील. शेवटच्या दिवशी संगीत हे मध्यरात्री 12 पर्यंत चालेल तर इतर तीन दिवशी संगीत रात्री 10 वा. बंद होईल. स्थानिक आमदारांच्या सहकार्याने यंदाचा कार्निव्हल महोत्सव आयोजनासाठी चार सदस्यीय गटाची मदत घेतली आहे असे बेनकर यांनी सांगितले.