मिनी मॅरेथॉन स्पर्धेत ज्योती क्लबचे यश

बेळगाव : गोवा येथील पणजी येथील विद्यापीठ गोवा येथे ग्रीन गोवा मिनी मॅरेथान स्पर्धेत ज्योती स्पोर्ट्स क्लबच्या खेळाडूंनी घवघवीत यश संपादन केले आहे. गोवा येथे घेण्यात आलेल्या मिनी मॅरेथान स्पर्धेत मुलांच्या गटात वेदांत होसूरकर प्रथम, समर्थ कदम द्वितीय, समर्थ पाटील चौथा, श्रेयस निलजकर पाचवा, तेजस गोरे सहावा, संजयकुमार पाटील सातवा क्रमांक पटकाविला. 16 वर्षाखालील गटात श्रीहरीपट्टण चौथा क्रमांक पटकाविला. मुलींच्या विभागात खुल्या गटात स्नेहल भोसले प्रथम, 16 वर्षाखालील गटात सानिका नाईक तिसरी, 14 वर्षाखालील गटात स्नेहल नाईक चौथा, संध्या नाईकने पाचवा क्रमांक पटकाविला. वरिल सर्व खेळाडूंना प्रशिक्षक एल. जी. कोळेकर यांचे मार्गदर्शन लाभत आहे.