रोटरी एक्सलन्स अवॉर्डने बसवाणेप्पा हावनी सन्मानित

बेळगाव : रोटरी क्लब ऑफ बेळगावतर्फे केएलई संचालित शिवालयाचे पुजारी बसवाणेप्पा मल्लाप्पा हावनी यांना ‘व्होकेशनल सर्व्हिस अवॉर्ड’ने गौरविण्यात आले. बसवाणेप्पा हे शेतकरी असून 1998 मध्ये कुडची येथे स्थायिक झाले. कित्येक वर्षांपासून ते शिवालयामध्ये पूजा-अर्चा करत असून 2012 मध्ये शिवालय मंदिर समितीचे उपाध्यक्ष आणि त्यानंतर अध्यक्ष झाले. त्यांच्या कारकिर्दीत शिवालयाचा जीर्णोद्धार आणि नवग्रह मंदिर व अनुभव मंटप साकारला. या मंदिरामध्ये अनेक सामाजिक, शैक्षणिक उपक्रम सुरू असून विनामूल्य शिकवणीही सुरू आहेत. याशिवाय शारीरिक खेळही शिकविले जातात. या सर्व कार्यक्रमांमध्ये बसवाणेप्पा यांचा पुढाकार असून त्यांच्या कार्याची नोंद घेऊन त्यांना पुरस्कार देण्यात आला.