मराठा मंडळ फार्मसीमध्ये जागतिक कर्करोग दिन

बेळगाव : मराठा मंडळ फार्मसी कॉलेज येथे जागतिक कर्करोग नियंत्रण दिन साजरा करण्यात आला. यानिमित्त रॅली काढण्यात आली. ही रॅली परिसरातील विविध भागांमध्ये गेली आणि तेथे फलकांद्वारे जनजागृती करण्यात आली. प्राचार्य डॉ. विष्णू कंग्राळकर यांनी कर्करोगाबद्दल माहिती देऊन मार्गदर्शन केले. त्यानंतर रॅलीला प्रारंभ झाला. रॅलीमध्ये विद्यार्थी, शिक्षकेतर कर्मचारी उपस्थित होते. याचे आयोजन प्रा. इंदिरा मडिवाळर यांनी केले.