Chile Wildfire : दक्षिण अमेरिकन देश चिलीच्या जंगलात भीषण आग लागली आहे.या आगीमुळे आतापर्यंत १३ जणांचा मृत्यू झाला असून चिलीचे १४ हजार हेक्टर जंगल जळून खाक झाले आहे. याठिकाणी १५० हून अधिक ठिकाणी जंगलाला भीषण आग लागली आहे.या आगीमुळे हजारो एकर जंगल नष्ट झाले असून अनेक घरे आगीत भस्मसात झाली आहेत.
सरकारने बायोबिओ आणि नुबल भागात आणीबाणीची स्थिती घोषित केली आहे, त्यानंतर या भागात सैन्य आणि इतर संसाधने तैनात करण्यात आली आहेत. देशभरात आगीच्या अशा ३९ घटना घडल्या आहेत, ज्यामध्ये हजारो घरे उद्ध्वस्त झाल्याचे गृहमंत्री कॅरोलिना तोहा यांनी सांगितले.
