बेळगाव : शेत जमिनीतून पंपसेट चोरणाऱ्या दोन चोरट्यांना पकडण्यात अखेर कटकोळ पोलिसांना यश आले आहे.
खानपेटचे रहिवासी प्रवीण ईरय्या पुजारी व गंगप्पा नागप्पा यरगट्टी यांना पोलिसांनी ताब्यात घेतले असून त्यांच्याकडून दुचाकी, २ स्टाटर केबल, ६ पंपसेट अशा एकूण १. ८० लाख रुपये किंमतीच्या वस्तू जप्त करण्यात आल्या आहेत.
गेल्या काही दिवसांपासून शेतकऱ्यांच्या शेतातून पंप सेट गायब होत असल्याच्या तक्रारी येत होत्या. अशा प्रकारांमुळे परिसरातील शेतकऱ्यांची चिंता वाढली होती. त्यामुळे या चोरट्यांचा बंदोबस्त करण्याची मागणी होत होती. पोलीस ही यांच्या मागावर होते. अखेर आज ते कटकोळ पोलिसांच्या हाती लागले.
