कसबा बीड / प्रतिनिधी
करवीर पश्चिम भागातील कसबा बीड,सावरवाडी, हिरवडे दुमाला, सडोली दुमाला, सावर्डे दुमाला, मांडरे, आरळे ग्रामपंचायतीच्या नूतन उपसरपंच निवडी आज पार पडल्या.
कसबा बीड ग्रामपंचायतच्या उपसरपंच पदी जयसिंग सूर्यवंशी यांची निवड करण्यात आली अध्यक्षस्थानी सरपंच उत्तम वरुटे होते. सावरवाडी ग्रामपंचायतीच्या उपसरपंचपदी अशोक आकाराम खोत यांची निवड बिनविरोध करण्यात आली. अध्यक्षस्थानी सरपंच भारती जाधव होत्या. हिरवडे दुमाला उपसरपंच पदी विश्वास कदम यांची निवड करण्यात आली. अध्यक्षस्थानी सरपंच शालन गुंडाप्पा गुरव होत्या. सडोली दुमाला येथे सरपंच अभिजित पाटील यांच्या अध्यक्षस्थानी झालेल्या सभेत उपसरपंच पदी संदीप केरबा कांबळे यांची निवड करण्यात आली. सावर्डे दुमाला येथे उपसरपंच पदी प्रकाश शिवाजी कदम यांची बिनविरोध निवड करण्यात आली. अध्यक्षस्थानी सरपंच भगवान रोटे होते. मांडरेचे उपसरपंच पदी भरत भगवान किरुळकर यांची निवड करण्यात आली. अध्यक्षस्थानी कृष्णात सुतार होते. आरळे ग्रामपंचायतीच्या उपसरपंच पदी जयश्री संजय देसाई यांची निवड करण्यात आली. अध्यक्षस्थानी सरपंच वैशाली युवराज भोगम होत्या.
निवडीनंतर नूतन उपसरपंच यांचे सत्कार करण्यात आले. समर्थकांनी फटाक्या वाजवून आनंद साजरा केला.
