आयफोन निर्मात्या ऍपलला सर्वात मोठा तोटा
नवी दिल्ली
जगातील सर्वात मौल्यवान(बाजारमूल्यात) कंपनी ऍपलचे गेल्या वर्षभरात एक लाख कोटी डॉलर्सचे नुकसान झाले आहे. आयफोन बनवणाऱया या कंपनीचे बाजारमूल्य तीन ट्रिलियन डॉलर्सपेक्षा जास्त होते, जे आता दोन ट्रिलियन डॉलरपेक्षा कमी झाले आहे. 2020 मध्ये कंपनीचा हिस्सा 81 टक्क्यांनी वाढला, तर 2021 मध्ये तो 34 टक्क्यांनी वाढला. पण गेल्या वर्षी म्हणजे 2022 मध्ये त्यात 27 टक्क्यांनी घट झाल्याची नोंद केली आहे.
नवीन वर्षाची सुरुवात कंपनीसाठी चांगली झाली नाही. ऍपलचे समभाग मंगळवारी वर्षाच्या पहिल्या ट्रेडिंग दिवशी 3.7 टक्क्यांनी घसरले आणि जून 2021 नंतरच्या सर्वात कमी पातळीवर बंद झाले.
समभागांच्या या घसरणीमुळे ऍपलचे बाजारमूल्य 1.99 ट्रिलियन डॉलर झाले आहे. अशा प्रकारे दोन ट्रिलियन डॉलर क्लबमध्ये कोणतीही कंपनी उरलेली नाही. मायक्रोसॉफ्ट कॉर्पोरेशन आणि सौदी अराम्को या गेल्या वर्षी या क्लबमधून बाहेर पडल्या होत्या.
तीन ट्रिलियन डॉलर्सचे नुकसान
2022 मध्ये अमेरिकेतील चार सर्वात मोठय़ा टेक आणि इंटरनेट कंपन्यांनी बाजारमूल्य तीन ट्रिलियन डॉलर्सपेक्षा जास्त बाजारमूल्य गमावले आहे. गेल्या वर्षी मायक्रोसॉफ्टचे समभाग 29 टक्के घसरले होते.
