पुणे / प्रतिनिधी :
या वर्षात सनदी लेखापाल (CA) अभ्यासक्रम बदलणार आहे. त्यात आता सहा पेपर द्यावे लागणार असून, तंत्रज्ञानही अंतर्भूत करण्यात येणार आहे. त्याशिवाय भारतीय राज्यघटनेचाही अभ्यासक्रमात समावेश करण्यात आला आहे. दि इन्स्टिटय़ूट ऑफ चार्टर्ड अकाउंटेंट्स ऑफ इंडियाच्या (आयसीएआय) पश्चिम भारत विभागीय परिषदेचे (डब्ल्यूआयआरसी) अध्यक्ष मुर्तझा काचवाला यांनी माहिती दिली.
यावेळी उपाध्यक्ष यशवंत कासार, खजिनदार पीयुष चांडक, विभागीय समिती सदस्या ऋता चितळे, पुणे शाखेचे अध्यक्ष काशिनाथ पठारे, सदस्य प्रणव आपटे, अमृता कुलकर्णी आदी या वेळी उपस्थित होते. त्यापूर्वी डब्ल्यूआयआरसीच्या शिष्टमंडळाने वस्तू आणि सेवा कर (जीएसटी) आयुक्तालयात प्रधान मुख्य आयुक्त एस. एम. टाटा, प्रवीण कुमार यांची भेट घेऊन चर्चा केली.
अधिक वाचा : महाराष्ट्रात थंडीचा कडाका
या वर्षात सनदी लेखापाल (सीए) अभ्यासक्रम बदलणार आहे. त्यात आता सहा पेपर द्यावे लागणार असून, तंत्रज्ञानही अंतर्भूत करण्यात येणार आहे. सनदी लेखापाल हा अर्थव्यवस्थेच्या प्रगतीत योगदान देणारा महत्वाचा घटक आहे. आर्थिक व्यवस्थापन अधिक प्रभावी होण्यासाठी सनदी लेखापाल, तसेच सनदी लेखापाल अभ्यासक्रमाच्या विद्यार्थ्यांसाठी सातत्याने प्रशिक्षण सत्रे आयोजित केली जातात. तंत्रज्ञानाभिमुख, जागतिक दर्जाचे सक्षम सनदी लेखापाल घडवण्यावर आयसीएआय भर देत आहे. त्याचाच भाग म्हणून आता अभ्यासक्रमात बदल करण्यात येणार आहे, असे काचवाला सांगितले.
