भाजपचे आमदार जयकुमार गोरे यांच्या गाडीला भीषण अपघात झाला आहे. फलटणजवळील पुणे पंढरपूर रस्त्यावर ही घटना घडली. शनिवारी पहाटे साडेतीन वाजता गाडीवरील चालकाचे नियंत्रण सुटल्याने हा अपघात झाल्याची माहिती आहे.पुण्याहून दहिवडी कडे जात असताना गाडी पुलावरून ५० फूट खोल खड्ड्यात गेली. या अपघातात चार जण गंभीर जखमी झाले असून पुण्यातील खासगी रुग्णालयात त्यांना उपचारासाठी दाखल केले आहे.
