गोकुळ शिरगाव वार्ताहर
कागल पंचतारांकित औद्योगिक वसाहतीमध्ये मुख्य रस्त्यावर गुरुवार दिनांक 8 रोजी सकाळी 11 वाजता इनोव्हा कार व मोटरसायकल यांच्यामध्ये भीषण अपघात होऊन तीन जण गंभीर जखमी झाले आहेत. या घटनेची नोंद गोकुळ शिरगाव पोलीस ठाण्यात झाली आहे.
या अपघातामध्ये पंकज कुमार व सोनू कुमार राहणार मेट्रो पार्क, कागल पंचतारांकित एमआयडीसी, सुजित गोपी जांभेकर यांच्यासह इतर तिघांचा अपघात झाला. यामध्ये एकूण सहाजण जखमी झाले असून तिघाजणांची प्रकृती चिंताजनक आहे. अपघाताच्या ठिकाणचे दृश्य अतिशय भीतीदायक होते. इनोवा गाडीत एका खाजगी कंपनीचे बिल्डर होते. या घटनेची फिर्याद सागर यादव यांनी दिली असून तपास सहायक फौजदार तिवडे करीत आहेत.
