क्रीडा प्रतिनिधी /बेळगाव
हुबळी येथे निमंत्रितांच्या राज्यस्तरीय जलतरण स्पर्धेत बेळगावच्या स्विमर्स क्लबच्या खेळाडूंनी 39 सुवर्ण, 20 रौप्य व 6 कांस्य पदकासह घवघवीत यश संपादन केले. तर 10 स्पर्धकांनी वैयक्तिक विजेतेपद पटकाविले.
शिवाजी स्पोर्ट्स कॉम्प्लेक्स हुबळी येथे घेण्यात आलेल्या राज्यस्तरीय जलतरण स्पर्धेत स्विमर्स क्लबच्या खेळाडूंनी यात भाग घेतला होता. त्यामध्ये दर्शन वारुरने 3 सुवर्ण व 1 रौप्य, सुदिनी हालकारेने 4 सुवर्ण, अमन सुनगारने 2 सुवर्ण, 1 रौप्य, सार्थक श्रेयकरने 2 सुवर्ण, 1 रौप्य, यशराज पावशेने 2 सुवर्ण, 1 रौप्य, निधी कुलर्णीने 4 सुवर्ण, अहिका हलगेकरने 2 सुवर्ण, 1 रौप्य, भगतसिंग गावडेने 4 सुवर्ण तर पाखी हलगेकरने 3 सुवर्ण पटाकाविले. या सर्व दहा स्पर्धकांनी आपल्या गटात वैयक्तिक विजेतेपद
पटकाविले.
त्याशिवाय अनिश पैने 3 रौप्य, 1 कांस्य, वेदांत मिसाळेने 1 सुवर्ण, 1 कांस्य, निहान कोरीने 2 सुवर्ण, 1 रौप्य, 1 कांस्य, अद्वेत दळवीने 2 रौप्य, 1 कांस्य, समृद्धी हलकारेने 2 सुवर्ण, 2 रौप्य, अनन्या पैने 2 सुवर्ण, 2 रौप्य, केदार अनगोळकरने 1 रौप्य, ओजस हुलजीने 1 रौप्य, समिक्षा घसारेने 1 सुवर्ण, 1 रौप्य व 1 कांस्य, जीशांत भाटीने 3 रौप्य, तनिक्ष भाटीने 1 सुवर्ण पदक पटकाविले. या सर्व जलरणपटूंना गोवर्धन काकतीकर, इम्रान उचगावकर, रोहित पाटील, विनायक पाटील, मंजुनाथ आदिमनी यांचे मार्गदर्शन लाभत आहे तर उमेश कलघटगी, सुधीर कुसाने, प्रसाद तेंडुलकर यांचे प्रोत्साहन लाभत आहे.
